Ókeypis bøkur í dag

Í dag er altjóða bókadagur, dagurin, tá bókahandlarar geva bøkur í staðin fyri at selja tær.

ST-stovnurin Unesco hevur ásett dagin, og dagurin verður brúktur til at gera vart við bøkur og upphavsrættindi.

Føroysku bókahandlarnir vilja eisini gera vart við bókina í ár. Tí verða 300 bøkur at fáa fyri einki í bókahandlunum í dag, 23. apríl.

Bøkurnar eru fyri vaksin og børn, yrkisbøkur og skaldsøgur, týddar og upprunaligar.

Dagurin 23.apríl er valdur. tí tann dagin í 1616 doyði spanski rithøvundurin Cervantes, sum skrivaði Don Qixote.

Tann bókin verður hildin at vera fyrsta modernaða skaldsøgan.

Gamal siður í Spania var at geva eina rósu á Santa Jørundsdegi, 23.apríl. Rósuna gavst tú einum, sum tú elskaði ella hevði virðing fyri.