Størsti sáttmálin um el-innlegging

Tað fer at kosta 30,3 mió. kr. at leggja streym inn í Marknagilsdepilin.

LM-Electric hevur fingið el-arbeiðstøkuna. Sáttmálin við Landsverk varð undirskrivaður mánadagin. 

Sambært Landsverki er hetta størsti sáttmáli, sum ein føroysk el-fyritøka hevur gjørt um bygging í Føroyum. 

- Vit hava longu fólk á byggiplássinum, sum eru farin í gongd við at fyrireika arbeiðið, sum vit skulu gera, sigur Pauli Hofgaard, stjóri í LM Electric, á heimasíðuni hjá Landsverki. .

Í løtuni eru okkurt um hálvthundrað mans á byggiplássinum við Marknagil. Seinastu vikurnar hava teir stoypt fundament og veggir. Nógv jørðarbeiði er eisini eftir.