Nú verða fleiri viðgerðir her heima

Í eykajáttanarlógini, sum kom í tingið í síðstu viku, stendur, at Landssjúkrahúsið ætlar at gera nakrar ryggskurð-viðgerðir í Føroyum í staðin fyri at senda sjúklingar av landinum til viðgerðar. 

Heimtøkan, sum slíkt eitur á politiskum máli, umfatar tó bara ryggskurð-viðgerðir, sum ikki so truplar.

Tær truplu viðgerðirnar verða enn sum áður gjørdar uttanlands. 

Heilsumálaráðið biðir tí um, at 1,7 milliónir krónur verða fluttar frá serviðgerðum uttanlands til Landssjúkrahúsið. 

Í fíggjarlógini fyri 2014 eru 137,2 mió. kr. settar av til serviðgerðir uttanlands.