Føroyingar tjena meir

Føroyingar, sum gerast miljóningar av lønini, vóru nógv fleiri í 2012 enn árini frammanundan.

Tey vóru 115 í 2012, í mun til 76 í 2011 og 35 í 2010.

Hetta eru tey, sum hava meira enn eina millión krónur eftir, tá skatturin er goldin.

So væl stendur tó ikki til hjá teimum flestu, vísa tøl hjá Hagstovuni.

Tey flestu, knappliga 16.300, høvdu millum 100.000 og 200.000 kr. eftir, tá TAKS hevði fingið sítt.

8.764 høvdu í 2012 minni enn 100.000 kr. eftir av inntøkuni, tá skatturin var goldin.

Sambært hesum høvdu meira enn 25.000 fólk, 68 prosent, minni enn 200.000 kr. eftir í tøkari inntøku í 2012.