Vindmyllur eftir Ringvegnum

Fyrsta vindmyllan, sum skal setast upp í Húsahaga í Suðurstreymi, verður koyrd av Eystaru bryggju niðan í hagan í dag og í morgin.

Koyrt verður eftir vegnum yviri við Strond og Ringvegnum, og tað fer at tarna ferðsluni nakað.

Myllutornið og veingirnir eru 45 metrar long.

Tey verða flutt í tveimum pørtum, sum eru meira enn 25 metrar til longdar, tá ið bilur og flutningsvognur eru taldir við.

Harumframt eru aðrir partar av myllunum fimm metrar breiðir, og longdin er tá 16 metrar við bili og flutningsvogni.

SEV fer at seta 13 myllur upp í Húsahaga, og tær verða fluttar hagar í tíðarskeiðinum 12.mai. sum er í dag, til 15.juli.

Vindmyllurnar verða royndarkoyrdar í summar, og ætlanin er at seta tær alment í rakstur í september.