Blaðið á mønustingara skal vera 103 millimetrar

Tað, sum stendur í kunngerðum frá landsstýrinumm, skal vera rætt. 

Tí var ein broyting í grindakunngerðini til viðgerðar á landsstýrisfundinum mikudagin. Í fylgiskjali til kunngerðina, sum kom í fjør summar, stendur, at blaðið á mønustingara skal vera 117 millimetrar. Og tað eru 14 millimetrar skeivt. 

Fylgiskjalið til kunngerðina verður nú rættað, so rætta longdin á mønustingaranum, 103 millimetrar, stendur í kunngerðini.