Poul og Eivin kjakast um bummgjaldið

Nær skal tað verða ókeypis at koyra í Vágatunnlinum, spyrja vit í Kjakinum eftir Dag og Viku í kvøld. Skal tað vera við ársenda í 2016 - tá lánini eru afturgoldin, ella skal tað ikki verða fyrr enn allur tunnilin er afturgoldin, t.e. bæði tað, ið lænt varð til verkætlanina og tað, løgtingið játtaði sum partapening?

Løgmaður hevur svarað Poul Michelsen, løgtingsmanni úr Framsókn, at "eftir lógini skal útveganarkostnaðurin gjaldast aftur, bæði tann parturin, sum er fíggjaður við eginpeningi og tann parturin, sum er fíggjaður við láni." 

Hetta svarið fekk Poul Michelsen frá løgmanni í september fjør.

Eivin fingið annað svar

Men tá Jørgen Niclasen 17. juni svarar einum fyrispurningi frá Eivin Jacobsen úr Sambandsflokkinum, er niðurstøðan hjá løgmanni í fjør ikki partur av svarinum. Í staðin sigur Jørgen Niclasen, at: "almenna fatanin hevur verið, at nýtslugjøldini einans skulu fíggja lánsgjøldini".

Jørgen Niclasen sigur í svarinum, at at hann ætlar sær í løgtingið við nágreining av lógini fyri at sláa fast, at einki bummgjald skal vera, tá lánini eru afturgoldin.

Poul Michelsen og Eivin Jacobsen vera í sjónvarpsstovuni. Bogi Godtfred er vertur í kjakinum eftir Dag og Viku.