Ísrael hevur góðkent avtaluna um vápnahvíld

Egyptaland skjýtur upp, at partarnir leggja vápnini frá sær nú kl 7 føroyska tíð, men alt bendir á, at so verður ikki, skrivar Ritzau tíðindastovan.

Stríðið, ið nú hevur vart í eina viku, hevur kravt 187 mannalív, og eisini børn eru millum teirra ið hava latið lív, og meira enn 1.200 eru særd.

Undir samanbrestunum eru hundraðtals rakettir sendar úr Gazageiranum. Tríggjar rakettir raktu í morgun ísrelska frítíðarstaðið Eilat, sum liggur við Reyða Havið. Fýra fólk vóru særd.

Í útvarpstíðindunum á middegi fer stjórnmálafrøðingur at greina støðuna millum Ísrael og palestinar.

Í gjárkvøldið segði Hamas seg ikki ganga uppskotinum á møti.