Tilbúgvingarstigið hækkað upp í reytt

 Hildið verður, at eitt størri gos er ávegis, og tí er tilbúgvingarstigið í sambandi við flogferðslu hækkað úr appelsingulum upp í reytt. Samært Ríkisútvarpinum er øll flogferðsla við økið stongd, men enn verður ikki hildið, at tað er neyðugt at flyta fólk úr bygdunum har í nánd.

- Eitt lítið gos er staðfest í ein landnyrðing úr Bárðarbungu, sigur Kristin Jónsdóttir, leiðari fyri jarðfrøðisdeildini á veðurstovuni í Reykjavík, við Ríkisútvarpið. Heitt verður á fólk, sum eru í nærumhvørvinum, at lurta eftir Ríkisútvarpinum, har møguligar fráboðanir verða kunngjørdar.