Skotin til deyðis á Ráðhúsplássinum - dagført

Annar persónurin lat lív, meðan særdi persónurin, sum er í lívsvanda, varð fluttur á sjúkrahús.

Løgreglan upplýsir, at talan er helst um avsagaða fuglabyrsu. Løgreglan hevur handtikið ein mann, sum hildið verður er gerningsmaðurin.

Tekniskar kanningar verða nú gjørdar í økinum.

Skeyt mótpartin

Michael Villemoes Larsen, sum umsitingarleiðari í Fútarættinum sigur við dr.dk, at eftir øllum at døma eru skotini latin av inni í einum av fundarhølunum. 

Hann hevur sæð myndir frá vakmyndatólinum, sum er í bíðirúminum í Fútarættinum, har fólk, sum skuldu í Fútarættin, fyrrapartin, sótu og bíðaðu.

- Eftir øllum at døma, er gerningsmaðurin møttur í Fútarættinum ella skiftirættinum, og hevur skotið ein av mótpartinum.