- Tíðindi, mentan og ítróttur
Rentustuðulin endar á 30 prosentum um fimm ár
Rentustuðulin endar á 30 prosentum um fimm ár
Fer niður í 33 prosent næsta ár. Land og kommunur spara 2,3 mió. kr.
Minni rentustuðul skal javna munin millum eigarar og leigarar.
01.10.2014 - 07:55
Rentustuðulin skal kosta landi og kommunum hálva triðju millión krónur minni næsta ár enn í ár.
Landsstýrið ætlar at fáa løgtingið at lækka rentustuðulin eitt prosentstig um árið næstu fimm árini.
Sambært tí verður rentustuðulin næsta ár 33 prosent og 30 prosent í 2019. Sparingin í 2019 skal vera 12,5 mió. kr.
Húsini ov dýr
Jørgen Niclasen, landsstýrismaður í fíggjarmálum, sigur, at rentustuðulin mangan eggjar fólki til at byggja ella
keypa dýrari hús enn annars.
Eisini fer lækkaður rentustuðul at hava við sær eina meira hóskandi javnvág millum teirra, sum eiga, og teirra, sum leiga, stendur í viðmerkingunum til lógaruppskotið um at lækka rentustuðulin.
Er kopiera
Nýggjastu sendingar í ÚV
