Gjørdi tvey lop, áðrenn tað lendi á skuggasíðuni

ESA hevur kunngjørt eina samansetta myndarøð av ferðini hjá Philae niður á halastjørnuna 67P/Churyumov–Gerasimenko. Myndarøðin vísir, at Philae lendi kl. 15:35 á halastjørnuni, men av tí at akkerini, ið skuldi festa lítla rúmdarfarið í halastjørnuna, ikki riggaðu, gjørdi tað eitt lop, møguliga ein heilan kilometur frá halastjørnuni, áðrenn tað lendi aftur kl. 17:25. Men myndirnar vísa eisni, at Philae gjørdi eitt lítið lop afturat og lendi beint har, sum sólin ikki sær kl. 17:32. 

Battaríini á Philae vóru fult lødd, tá ið rumdafarið lendi, og var tað tí virkið í góð trý samdøgur á halastjørnuni, áðrenn tað fór í dvala. 

Rúmdarfarið var forritað soleiðis, at flestu royndirnar, sum tað skuldi gera á halastjørnuni, kundu gerast, meðan streymur var í battaríunum.

Philae er nú farið í dvala. Men beint áðrenn tað sovnaði, fekk tað vent sær soleiðis, at størri kjansur er fyri, at tað fær nokk av sólarljósið, so battaríini spakuliga løðast uppaftur, og Philae um nakrar vikur vaknar aftur og setur seg í samband við jørðina. 

Myndirnar er tiknar frá fylgisveininum, Rosetta, ið ferðast í ringrás um halastjørnuna. Sí samansettu myndina her

Kelda: esa.int

Philae á veg niður á halastjørnuna. Størri mynd her