Hevur skund at finna felags leist móti sviki við vitlíki

Tað hevur skund at finna eina føroyska loysn fyri, hvussu svik við vitlíki skal basast á miðnámsskúlaøkinum.

Tað sigur Maria Chun Nielsdóttir, forkvinna í Yrkisfelagnum Miðnámi.

Í Danmark hevur stjórnin longu tikið støðu til fleiri átøk. Millum annað skal bera til at hava eftirlit við teldum hjá næmingum undir próvtøku, fleiri uppgávur skulu gerast í skúlanum heldur enn heima, og so skulu hf-lesandi eisini verja eitt skrivligt endaligt avrik munnliga.

Í Føroyum er enn eingin felags leistur funnin.

Eyðun Gaard, stjóri í Námi, sigur, at Nám mælir ikki til meira eftirlit við teldunum hjá næmingum. Hinvegin eru avbjóðingarnar við vitlíki veruligar og merkjast bæði hjá lærarum og næmingum.

Sambært Hjalmar Hansen, stjóra í Undirvísingarstýrinum, verður nú arbeitt við einari heildarætlan fyri miðnámsskúlaøkið. Ætlanin skal lýsa, hvussu skúlarnir frameftir skulu handfara avbjóðingarnar við vitlíki og sviki.

Heildarætlanin verður eftir ætlan liðug 1. september.

Hoyr innslag í útvarpstíðindunum á nátturða her: