Tingið góðkenna eykjáttan til havnina í Skopun

Fíggjarnevndin hevur bert veitt eina eykajáttan við fíggjarnevndarskjali í ár. Løgtingið skal eisini góðkenna slíkar eykajáttanir, og sambært lógini skal landsstýrið leggja fram uppskot um hetta innan 1. desember. 

Uppskotið kom í tingið fríggjadagin, og tað snýr seg um Skopunar havn.

Fíggjarnevndin varð í summar biðin um at játta 2,1 millión krónur til at rudda grót til innsiglingina í havnini í Skopun. Hetta var, meðan tingið var í summarfrí. Peningurin varð tikin av játtanini til nýggjar landsvegir.

Játtanin varð brúkt at tryggja innsiglingina. Arbeiðið gekk væl, og er liðugt, sigur Fíggjarmálaráðið