Mótmæla sparingum á Psykiatriska deplinum

Mótmæla sparingum á Psykiatriska deplinum
Felagið Føroyskir Psykiatriskir Sjúkrarøktarfrøðingar óttast, at tilboðini og menningin, sum hevur verið seinastu árini, nú er í stórum vanda
 
05.12.2014 - 09:14

Felagið Føroyskir Psykiatriskir Sjúkrarøktarfrøðingar mótmælir ætlaðu sparingunum og niðurlaðingini á Psykiatriska deplinum. 

Felagið óttast avleiðingarnar av sparingunum og tey árin tað kann fáa á fakligu og tvørfakligu dygdina á Psykiatriska deplinum.

Í skrivi vísir felagið á, at seinastu árini hevur miðvíst verið arbeitt við at skipa ta bestu røktina og viðgerðina á Psykiatriska deplinum, sum kann sammetast við hana í øðrum londum. 

Felagið stúrir fyri, at tilboðini og tann menning, sum hevur verið seinastu árini, nú er í stórum vanda.

Fær stórar avleiðingar

- Tað, sum Heilsumálaráðið við Karsteni Hansen á odda nú hevur sett út í kortið, er ein rættiliga stór niðurlaðing. Hetta fer at fáa stórar avleiðingar fyri sjúklingar og avvarðandi teirra, sigur felagið. 

Felagið Føroyskir Psykiatriskir Sjúkrarøktarfrøðingar er limur í Horatio - evropiska felagnum fyri psykiatriskar sjúkrarøktarfrøðingar.

Í yvirlýsing hevur Horatio staðfest týdningin av yrkiskønari menning av starsvfólkum innan psykiatriska økið. 

Felagið Føroyskir Psykiatriskir Sjúkrarøktarfrøðingar vísir á, at dygdargóð røkt og viðgerð krevur fíggjarliga raðfesting og ikki niðurlaðing. 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592