Heidi forkvinna í Arkitektafelagnum

Heidi Poulsen er nú forkvinna í nevndini hjá Arkitektafelag Føroya.

Arkitektafelagð hevur havt aðalfund.

Svend Sivertsen, sum hevur verið formaður í fleiri ár, stillaði ikki uppaftur.

 Á aðalfundinum varð Nina Alberg Arge vald í nevndina fyri tvey ár. Robert Thomassen varð valdur á ársaðalfundinum í fjør fyri tvey ár, og hann heldur sostatt fram í nevndini eitt ár afturat.

Nevndin hevur skipað seg við Ninu Alberg Arge sum kassameistara og Roberti Thomassen sum næstformanni og skrivara. Tiltakslimir í nevndini eru Birita Wardum og Magni Dalsgaard.