Eftirlitið við flogferðsluni verður bíligari

Atlantic Airways, Vága Floghavn og Landsverk fara at spara nakrar hundrað túsund krónur, nú Trafikstyrelsen í Danmark skal hava minni fyri at hava eftirlit við flogferðsluni.

Sparingin hjá Atlantic Airways verður 300.000 kr. um árið, Vága floghavn skal rinda 200.000 kr. minni og Landsverk 100.000 kr. minni. Lógaruppskotið um nýggja skipan fyri gjaldið til Trafikstyrelsen fyri eftirlit við flogferðsluni kom í løgtingið í gjár.

Í staðin fyri 1,8 milliónir krónur úr Føroyum, skal Trafikstyrelsen í framtíðini hava 1,2 milliónir úr Føroyum fyri eftirlitið.