Tingið skal aftur viðgera grindalógina

Løgtingið er kallað saman til fundar mánadagin klokkan 11.15.

Løgtingið fór annars í summarfrí í mai, men tingið er kallað saman at viðgera eina orðing í grindalógini.

Jacob Vestergaard, landsstýrismaður, ið varðar av lógini, sigur við Portalin, at talan er um orðingar í lógini, ið løgreglan vil hava greiðari.  

- Tað er løgreglan, ið aftaná at lógin er lýst í gildi, hevur eftirlýst greiðari orðingar, tá tað snýr um at leggja hald á bátar og annað hjá Sea Shepherd, sigur Jacob Vestergaard við Portalin.

Hetta er onnur ferðin, síðani tingsetan endaði, at tingið verður kallað saman at viðgera orðingar í grindalógini.