Lakari hálvár enn í 2014

BankNordik hevði 79 milliónir krónur í yvirskoti, fyri skatt, fyrra hálvár í ár, boðar bankin frá í hálvársroknskapinum, sum er kunngjørdur í morgun

Hálvársúrslitið hjá BankNordik er heldur lakari enn fyrra hálvár í fjør, tá bankin hevði 85 milliónir í yvirskoti, fyri skatt

Jón Brian Hvidtfeldt

Bjarni Mohr

05.08.2015 - 08:35

Hálvársúrslitið er heldur lakari enn fyrra hálvár í fjør, tá BankNordik hevði 85 milliónir í yvirskoti, fyri skatt, sigur bankin í hálvársroknskapinum.

Sambært BankNordik er hálvársúrslitið í ár merkt av, at bankin skuldi gjalda 14 milliónir krónur í uppsagnarlønum, eftir at bygnaðarbroytingar vóru framdar í mai mánað.

SÍ EISINI BankNordik: 220 til 240 milliónir í yvirskoti í ár

Annan ársfjórðing í ár hevur BankNordik somuleiðis staðfest eitt kurstap á 40 milliónir krónur. Fyrr í ár boðaði BankNordik frá, at bankin ætlar at sleppa sær av við íslendska tryggingarfelagið Vørður.

Sambært fráboðan til keypsskálarnar í morgun verður sølan endaliga framd í ár. Leiðslan í BankNordik roknar framvegis við, at yvirskotið í ár tá avtornar verður millum 200 og 240 milliónir krónur, áðrenn niðurskrivingar, eingangsútreiðslur, virðisjavnað og skatt.