Hesir summarfuglarnir gera innrás í Klaksvík

Tað eru ikki bert sjáldsom ferðamannaskip, ið hava vitjað í Klaksvík í summar. Seinastu dagarnar hava fólk í býnum sæð summarfuglar, ið vanliga ikki síggjast har um leiðir..

Rættilig innrás hevur seinastu dagarnar verið av sonevndu Admiral summarfuglunum í Klaksvík, skrivar Norðlýsið á netinum.

Í onkrum førum hava fólk sæð stór fylgi av Admiral summarfuglunum í urtagørðum ymsastaðni í Klaksvík, skrivar blaðið.

Admiral summarfuglar ferðast vanliga úr Suðurevropa norður gjøgnum Evropa, og eru áður sæddir í eitt nú Íslandi, sambært Wikipedia. Teir eru 55-70 millimetrar stórir.