260 útlendingar til Føroya at svimja

Svimjisamband Føroya skipar í dag og í morgin fyri Nordic Open Masters Championships 2015 í svimjihøllini í Gundadali.

Tilsamans 318 svimjarar úr átta londum fara at kappast í fjúrtan aldursbólkum, har yngsti svimjari er 25 ár, og tann elsti er 93.

Talan er um Norðurlendsku Meistarastevnuna fyri Masters, sum samstundis er skipað sum opin kapping, ið merkir at eisini onnur enn norðurlendingar kunnu luttaka.

Tilsamans 126 kvinnur og 171 menn hava boðað frá luttøku. 260 útlendskir svimjarar úr Danmark, Estlandi, Finlandi, Íslandi, Noregi, Svøríki og Týskalandi luttaka

Kappast verður í trimum stevnupørtum:

Fríggjakvøldið 2. oktober frá kl 17:30

Leygarmorgunin 3. oktober frá kl 08:30

Leygardagin 3. oktober frá kl 15:00

Ætlanin er at stroyma beinleiðis sjónvarp frá øllum kappingum á http://livetiming.se/superlive.php?cid=2466