- Tíðindi, mentan og ítróttur
Neistin fyribils oddalið
Neistin fyribils oddalið
Neistin vann í dag á VB, og tær eru nú oddalið í bestu kvinnudeildini í hondbólti. Plássið verður tó helst skjótt yvirtikið av VÍF ella Kyndl
10.10.2015 - 16:42
Neistin er nýtt oddalið í bestu kvinnudeildini í hondbólti.
Neistin vann í dag 23-20 á VB í Vági. Hálvleiksstøðan var 10-10.
Dysturin var javnur, tí VB var á odda við einum máli, tá eitt korter var eftir. Men síðstu tíggju minuttirnar avgjørdi Neistin dystin.
Neistin er fyribils oddalið, men í morgin spæla Kyndil og VÍF í Havn. Vinnarin av tí dystinum lyftir seg upp á fyrsta plássið.
Endar dysturin við javnleiki fara bæði Kyndil og VÍF upp um Neistan, tí tey hava frægari málmun.
Støðan:
| 1.Neistin | 3 dystir | 5 stig |
| 2.VÍF | 2 dystir | 4 stig |
| 3.Kyndil | 3 dystir | 4 stig |
| 4.STÍF | 3 dystir | 2 stig |
| 5.Stjørnan | 3 dystir | 1 stig |
| 6.VB | 1 dyst | 0 stig |
Er kopiera
Nýggjastu sendingar í ÚV
Nýggjastu sendingar í SV
