1100 kvinnur stilla upp í Iran

1100 kvinnur stilla upp til tjóðartingsvalið í Iran næsta ár, tríggjar ferðir so nógvar sum í 2012.

Tilsamans stilla 12.000 valevni upp, upplýsir iranska innanríkisráðið. 290 sessir eru í iranska tjóðartinginum.

Ongantíð hava so nógv valevni stillað upp til val í Iran. Í 2012 vóru tilsamans 5.000 valevni.

Í løtuni sita bara níggju kvinnur í iranska tinginum.

Av tí at áhugin at stilla upp hesaferð var so stórur, longdi innanríkisráðið uppstillingarfreistina til á midnátt.

Tjóðartingsvalið í Iran verður 26. februar.