Heildarveitingin verður fryst aftur

Í uppskotinum til fíggjarlóg sæst, at samgongan ætlar at frysta heildarveitingina - ella blokkstuðulin - úr Danmark aftur.

Frá 2002 til 2011 var blokkurin ikki prístalsviðgjørdur og hækkaði ikki, men var 615,5 milliónir krónur árliga. Undanfarna samgonga fekk donsku stjórnina at prístalsviðgera blokkin, og tað hevði við sær, at upphæddin hækkaði, so hon í dag er knappar 642 milliónir krónir. 

Men nú skal blokkurin frystast fastur aftur, ætlar samgongan. Samgongan fer at heita á donsku stjórnina um at broyta galdandi lóg um blokki, so prísjavnigin í 2016 verður slept, og at blokkurin verður frystur fastur á 2015 stigið, tað vil siga, at hann verður 641 milliónir og áttahundraðtúsund krónur.