Google-móðurfelag yvirhálar Apple

Apple er ikki longur mest verda felag í heiminum. Í gjár varð greitt, at eitt annað tøkni- og teldufelag - Alphabet - nú er tað mest verda í heiminum.

Alphabet er móðurfelag hjá millum onnur Google og YouTube, ið eru millum tvær tær mest nýttu heimasíðurnar á netinum yvirhøvur.

Seinasti roknskapurin hjá Alphabet varð kunngjørdur í gjár. Vinningurin vaks meira enn eina milliard krónur bara seinasta ársfjórðing í fjør sambært roknskapinum.

Greinin heldur fram niðanfyri

Investors liked what they saw from Alphabet's stronger-than-expected quarterly results https://t.co/aNUk44jHez pic.twitter.com/yVI29RdPG3

— Financial Times (@FT) February 2, 2016

Tá virðisbrævamarknaðirnir lótu aftur í gjár, var partabrævið hjá Alphabet vaksið níggju prosent. Felagið er nú sostatt vert góðar 568 milliardir dollarar.

Í meiri enn 30 ár hava tøkni- og teldufyritøkur verið ovast á listanum yvir mest verdu feløg í heiminum. Tað byrjaði við IBM, síðan átti Microsoft tørn.

Seinastu árini hevur Apple verið mest verda felag í heiminum - til í gjár, tá Google-móðurfelagið, Alphabet, tók við sum mest verda felag í heiminum.