Sleppa ikki inn um 12 fjórðingamarkið

Sleppa ikki inn um 12 fjórðingamarkið
Skip og bátar hjá Sea Shepherd sleppa ikki longur í føroyskan sjógv innan fyri 12 fjórðingar
Slík skip sleppa heldur ikki í ytra sjóøkið hjá Føroyum, - ikki so frægt sum at sigla gjøgnum tað
 
29.04.2016 - 09:25

Kunngerðin, sum skal steðga teimum úti til havs, er komin í gildi.

Sambært kunngerðini kann landsstýrismaðurin í vinnumálum seta skipum undir útlendskum flaggi forboð fyri at koma inn-um grundlinjurnar, inn í innara føroyska sjóøkið.

Tað verður gjørt fyri at fyribyrgja óskili og vanda á sjónum í sambandi við til dømis grindarakstur.

Órógva lógligt virksemi

Kunngerðin er eisini galdandi fyri skip, sum fólk og felagsskapir eiga, sum longu hava víst, at tey órógva lógligt virksemi í føroyskum sjógvi. Slík skip sleppa heldur ikki í ytra sjóøkið hjá Føroyum, - ikki so frægt sum at sigla gjøgnum tað. 

Innara sjóøkið er økið landmegin grundlinjuna, ytra sjóøkið er økið frá grundlinjuni út á 12 fjórðingar.

Kunngerðin er ikki galdandi fyri skip ella bátar, sum eru í neyð. Kunngerðin hevur heimild í lógini um trygd á sjónum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585