Viðmerkjari: Tjóðveldi hevur lagt innanhýsis ósemju á blik

Beinta Løwe og Helena Dam á Neystabø, politiskir viðmerkjarar, umrøddu politisku støðuna, har Liljan Weihe í Tjóðveldi ikki var boðin á samgongufund

Helena Dam á Neystabø og Beinta Løwe, politiskir viðmerkjarar, vóru í Breddanum fyrrapartin.

Mynd: Bjarni Árting Rubeksen

Sigurjón Einarsson

30.05.2025 - 13:21

- Eingin tosar um, at ein javnaðartingmaður atkvøddi ímóti einum uppskoti hjá løgmanni. Hinvegin tosa øll um, at Tjóðveldi ikki hevur boðið einum tingfólki hjá sær við á fund.

Tað sigur Beinta Løwe, politiskur viðmerkjari, í samband við, at Liljan Weihe ikki varð boðin við á samgongufund, tá ið pensjónsmálini og málið um Suðuroyartunnilin vóru til triðju viðgerð í løgtinginum.

Liljan Weihe

Tjóðveldi vildi ikki hava Liljuna Weihe við á samgongfund, tí hon frammanundan hevði boðað frá, at hon ikki ætlaði sær at atkvøða fyri pensjónsmálinum ella málinum um Suðuroyartunnilin. (Mynd: Bjarni Árting Rubeksen)

Helena Dam á Neystabø, viðmerkjari, sigur, at tað, sum eyðkennir eitt demokrati, er, at ymsar meiningar eru, og tað skal vera pláss fyri ymsum meiningum í einum flokki.

- Roynir tú at fáa røddir at tagna, so fært tú ein demokratiskan trupulleika, sum kann elva til ótryggleika í veljarafjøldini, sigur hon.

Beinta Løwe og Helena Dam á Neystabø, sum báðar eru fyrrverandi politikarar, vóru í Breddanum fyrrapartin:

30052025_Liljan_Weihe

Allur Breddin kann hoyrast her.