Frítekst tagging:
- Tíðindi, mentan og ítróttur
Helgi fremstur Kring Føroyar
Helgi fremstur Kring Føroyar
Helgi Winther Olsen vann fimm daga súkklukappingina, LM Kring Føroyar. Hann var góðar tríggjar minuttir frammanfyri lærlingin, Niklas Hallgren Niclassen á 2. plássi
Ólavur Frederiksen/LM Kring Føroyar
Helgi Winther Olsen og vinnarin farnu árini, Jákup Petur Eliassen til býarkoyring í Havn
02.06.2025 - 20:20
Helgi Winther Olsen var skjótastur í súkklukappingini LM Kring Føroyar, sum hevur verið í Eysturoy, norðoyggjum, Sandoy og Streymoy farnu vikuna.
Samanlagt var royndi súkklarin góðar tríggjar minuttir frammafyri lærlingin, Niklas Hallgrenn Niclassen, og meir enn átta minuttir frammanfyri Paula Poulsen, sum fekk bronsuna.
Helgi Winther Olsen og Niklas Hallgren Niclassen, sum í roynd og veru súkklaði sum eitt lið, høvdu vunnið tveir teinar í part, undan fimta og seinasta teininum, sum var býarkoyring í Havn.
Niklas Hallgren Niclassen endaði á 2. plássi í Kring Føroyar-kappingini. Tað er tvey pláss betri enn í fjør, og tað var hann væl nøgdur við. (Mynd: Rósa Tovudóttir/LM Kring Føroyar)
Helgi Winther Olsen slapp avstað undan stóra bólkinum tíðliga á rutuni, sum var frá Hoyvíksvegnum oman á Eystara Ringveg, Yvir við Strond og niðan eftir Jónas Broncksgøtu. Aftanfyri gjørdi lærlingurin Niklas Hallgren Niclassen sítt til, at eltararnir ikki koma ov nær, og tá Helgi Winther Olsen fer um málið, er hann nærum tríggjar minuttir frammanfyri.
Niklas Hallgren Niclassen sleyt seg leysan frá hinum, og fekk annað plássið samanlagt frammanfyri Paula Poulsen.
Hjá kvinnum var Súsanna Skylv hin einasta, sum súkklaði allar fimm teinarnar. Hon gjørdi av álvara vart við seg og endaði nummar fimm samanlagt.
Súsanna Skylv bjóðaði monnunum av, og bert Helgi Winther Olsen, Niklas Hallgren Niclassen, Pauli Poulsen og Konstantinos Garoflos vóru frammanfyri samanlagt. (Mynd: Ólavur Frederiksen/LM Kring Føroyar)
Er kopiera
Nýggjastu sendingar í ÚV
Nýggjastu sendingar í SV
