Sam og tyrlan við farmi til Dímunar

Fyrrapartin í gjár vórðu 85 tons av byggitilfari flutt av dekkinum á Sam í land í Stóru Dímun.

Tyrlan hjá Atlantic Airways flutti tilfarið í land.

Sam var á Tvøroyri klokkan eitt hósnáttina. Lastað var um náttina, og klokkan seks fór Sam av Tvøroyri.

Tyrlan fleyg millum Sam og land

Klokkan átta í gjáramorgunin byrjaði tyrlan at flúgva millum Sam, sum lá vestan fyri oynna, og Dímun.

Hálvan triðja tíma seinni vórðu øll 85 tonsini komin í land, og Sam setti kósina móti Klaksvík.

Arbeiðið gekk av tí besta, og líkindini vóru góð. 

Útoyggjarnar hava rætt til tveir slíkar farmatúrar um árið.