Turkur noyðir kommunu at spara

Einki er so gott, at tað ikki er ringt fyri okkurt. 

Vatntrot er í Sandavági, nú turkur hevur verið í nógvar dagar. Tað skrivar Vága kommuna á heimasíðuni hjá kommununi, vaga.fo

Drekkivatnið í Sandavági kemur úr keldum, sum í løtuni ikki geva so nógv vatn. Tí er nú neyðugt at steingja fyri vatninum fyri at spara vatn.

Stongt verður fyri drekkivatninum í Sandavági næstu nátt frá klokkan 23:30-5:30. Enn er ikki greitt, um kommunan ger onnur tiltøk fyri at tálma nýtsluni.