Dømdur seks ár í fongsul

Suðurafrikanski ítróttamaðurin, Oscar Pistorius, er dømdur seks ár í fongsul fyri at hava myrt unnustuna í 2013

Oscar Pistorius, eisini kendur sum Bladerunner, kemur her til rættarsalin í Suðurafrika fyrr í morgun. Nú er hann dømdur seks ár í fongsul fyri at hava dripið unnustuna í februar 2013

Mynd: AP

Bjarni Mohr

06.07.2016 - 10:19

Oscar Pistorius, best kendur sum Bladerunner, varð fyri løtu síðani dømdur seks ár í fongsul fyri tilætlað at hava dripið unnustuna, Reeva Steenkamp.

Í desember dømdi Hægstirættur í Suðurafrika Oscar Pistorius fimm ár í fongsul fyri drápið. Í morgun varð dómurin broyttur og longdur við einum ári afturat.

Greinin heldur fram niðanfyri

VIDEO: Judge sentences #OscarPistorius to six years' jail for murder of Reeva Steenkamp https://t.co/jSKvcn5UvU
— ABC News (@abcnews) July 6, 2016

Video oman fyri: Her fær Pistorius dómin

Reeva Steenkamp, unnustan hjá Oscar Pistorius, varð skotin fýra ferðirnar ígjøgnum eina hurð, tá hon læsti seg inni á einum baðirúmi í húsunum, tey búðú í í 2013.

Ákærumyndugleikin heldur, at Pistorius tilætlað skeyt unnustuna tá tey skeldaðust við hús fyri meira enn trimum árum síðani. Ákærin kravdi fongsul í 15 ár.