Sendi beiggjanum selfi fáar tímar undan atsóknini

Mohamed Bouhlel greiddi beiggjanum frá, at hann var í Nice saman við evropeisku vinum sínum.

Síðandi sendi hann beiggjanum eina mynd av sær, har hann stendur í mannamúgvuni í Nice. 

Ikki øll eru eyðmerkt

Franskir myndugleikar hava ikki enn fingið eyðmerkt 16 av teimum 84 fólkunum, sum lótu lív í álopinum hóskvøldið, skrivar AP.

Myndugleikarnir kenna heldur ikki samleikan hjá einum persóni, sum er innlagdur á sjúkrahús, upplýsir franski heilsumálaráðharrin, Marisol Touraine, í dag.

Enn ein handtøka

Franska løgreglan hevur seinnapartin handtikið ein 22 ára gamlan mann, sum er undir illgruna fyri at hava hjálpt Mohamed Lahouraiej Bouhlel at leggja rutuna hetta kvøldið til rættis. Tað skrivar AFP-tíðindastovan.

Men sambært verjanum hjá tí 22 ára gamla manninum, hevur hann kent Mohamed í bara fáar mánaðir, og at eingi verulig prógv eru ímóti honum. 

Í morgun handtók franska løgreglan eina kvinnu og ein mann í sambandi við kanningararbeiðið eftir álopið. Sostatt sita nú átta fólk í varðhaldi.