Yvirfriðingarnevndin hava meira vitan um áir

Nevndin hevur biðið um upplýsingar um áirnar í Jarðardali og í Hellisdali. Yvirfriðingarnevndin vil hava at vita, um møguleikin fyri alternativum vatnveitingum er kannaður nóg væl.

Yvirfriðingarnevndin vil eisini hava at vita, hvussu Bakkafrost ætlar at tryggjað, at ásetingarnar í avtaluni vera hildnar um, at eitt mininum av vatni altíð fer at renna í ánni, tvs., at Bakkafrost ikki tømir áirnar heilt.

Fyrr enn tað ber ikki til hjá Yvirfriðingarnevndini at gera nakra niðurstøðu, sigur Peter Flügge, skrivari í nevndini. Tað er lítið sannlíkt at meira hendir í málinum fyrr enn seinni í summar ella í heyst, tí flest øll eru farin í summarferiu, sigur Peter Flügge.

Sambært Regini Jacobsen, stjóra á Bakkfrosti, hava tey á Bakkafrosti longu svarað spurningunum frá Yvirfriðingarnevndini. Tað er tó Klaksvíkar kommuna, sum skal taka vatnið og tí eisini svara Yvirfriðingarnevndini. Men málsviðgerðin í hesum máli er í summarferiu.

Viðurskiftini millum Klaksvíkar og Kunoyar kommunu, eru komin í rættlag, sigur Maiken Sólheyg Michaelsen, borgarstjóri. Onkur undirskrift manglar, men semja er millum kommunurnar um at leiða vatn úr Kunoy yvir um byrgingini til smoltstøðina, sum Bakkafrost er farin at byggja í grótbrotinum.

Fyrr í ár kærdi Brandur Klettskarð í Kongsstovu sína neyð um ætlanini í Degi og viku. 

Regin Jacobsen, stjóri í Bakkafrosti segði millum annað í tí sambandi, at Bakkafrost ikki fór at tøma áirnar.