- Tíðindi, mentan og ítróttur
El Niño-fyribrigdi kann ávirka veðrið í Føroyum
Serfrøðingar ávara nú um, at eitt serliga sterkt El Niño-fyribrigdi kann vera á veg í Kyrrahavinum. Tað kann føra til hitabylgjur og meira óstøðugt veður kring allan heimin – og møguliga eisini í Føroyum.
El Niño er eitt náttúrligt veðurfyribrigdi, sum hendir, tá sjógvurin nærindis miðkringjaranum í Kyrrahavinum gerst óvanliga heitur, og passatvindarnir vikna.
Knud Simonsen, ph.d. og hav- og veðurfrøðingur á Veðurstovu Føroya, sigur, at El Niño kann ávirka veðrið í heiminum.
– Tað kann føra til hitabylgjur, meira regn og meiri óstøðugt veður, sigur hann.
Hóast fyribrigdið hendir í Kyrrahavinum, so halda summir granskarar, at tað eisini kann hava ávirkan á veðrið í Norðuratlantshavi og í Føroyum.
– Tað kann føra til meira óstøðugt veður her hjá okkum, hóast granskarar ikki eru heilt samdir um, hvussu stór ávirkanin er, sigur Knud Simonsen.
Hoyr innslag í tíðindunum her:
