- Tíðindi, mentan og ítróttur
Seks boð upp á svartkjaftin
Seks boð upp á svartkjaftin
Vørn seldi í dag 5.000 tons av svartkjaftari á afturlatnari uppboðssølu fyri 500.000 krónur
Seks boð komu, og tey lógu úr 10 oyrum upp í 13 oyru kilo, tá 5.000 tons av svartkjafti vórðu seld á uppboðssølu í dag
15.09.2016 - 15:39
Minstiprísurin, sum landsstýrismaðurin í fiskivinnumálum ásetti, var 10 oyru kilo, og tey 5.000 tonsini vórðu eisini seld fyri 10 oyru kilo.
Seks boð komu, og tey lógu úr 10 oyrum upp í 13 oyru kilo. Varðin keypti 1.000 tons til Trónd í Gøtu og 480 tons til Jupiter.
SÍ EISINI Reiðarar skoyta ikki um svartkjaft
Næraberg keypti 1.000 tons til Norðing, Christian í Grótinum keypti 1200 tons til Christian í Grótinum, og Framherji keypti 320 tons til Fagraberg.
Fyrsta, opna uppboðssølan herfyri gav einki boð. Tey 5.000 tonsini, sum ikki vórðu seld, ætlar Fiskamarknaðurin at selja í næstu viku.
Fiskimálaráðið hevur gjørt av, at til samans 20.000 tons av svartkjafti skulu seljast á royndaruppboðssølu í ár.
Er kopiera
Nýggjastu sendingar í ÚV
Nýggjastu sendingar í SV
