Hann fær Friðarheiðursløn Nobels 2016

Juan Manuel Santos, forseti í Kolumbia, fær 10. desember Friðarheiðursløn Nobels 2016, tá virðislønin verður latin á árligu handanini í Oslo.

Juan Manuel Santos fær friðarheiðurslønina fyri sítt íkast at tryggja frið í Kolumbia, sum í hálva øld hevur verið plágað av borgarakríggi.

Í ár vóru 376 í uppskoti at fáa friðarheiðurslønina hjá Nobel, ið er tað størsta talið nakrantíð. 228 fólk og 148 felagsskapir vóru í ár tilnevnd.