Arbeiða víðari við bíligasta tilboðnum

Hesi bæði feløgini áttu lægsta tilboðið at byggja Skúlan á Fløtum, tá hann varð boðin út aðru ferð. Tilboðið hjá Articon og Búsetur er uppá slakar 268 milliónir krónur.

Tað vil siga umleið 10 prosent, ella 25 milliónir krónir, dýrari enn tað, sum kommunan hevði kostnaðarmett verkætlanina.

Fyrru ferð, skúlin varð boðin út, var lægsta tilboðið eisini 25 milliónir krónur og 10 prosent dýrari enn kostnaðarmetingin.

Tað tilboðið átti byggifyritøkan MT-Højgaard. Tá avgjørdi Tórshavnar kommuna at strika útbjóðingina, tí tilboðini vóru ov dýr.