Fíggjarmálaráðið flutt út

Tað hevur Fíggjarnevndin hjá løgtinginum fingið at vita frá løgmanni. Fíggjarnevndin vildi hava at vita, hvussu nógv landið sparir, nú Fíggjarmálaráðíð er flutt.

Sambært svarinum frá løgmanni, so sleppur Landsbankin undan at gjalda húsaleigu, tí hann flytur í hølini á Argjum, sum landið eigur.   

Vænta at spara pening

Rasjonaliseringar á Tinganesi fara, sambært uppskotinum um fíggjarlóg fyri 2017, at gera, at tey trý aðalráðini spara tilsamans hálva millión krónur.

Fiskimálaráðið skuldi eisini flyta á Tinganes nú, men tann flytingin er útsett. Fiskimálaráðið hevur bundið seg til at leiga har, sum ráðið er nú, til 2018.

Í staðin fyri verður húsið, sum Uttanríkis- og vinnumálaráðið var í, umvælt nú.