Allar broytingar hjá samgonguflokkunum samtyktar

Allar broytingar hjá samgonguflokkunum samtyktar
Allar broytingarnar hjá samgongufólkunum í Fíggjarnevndini í uppskotinum hjá landsstýrinum um fíggjarlóg fyri 2017 eru samtyktar
 
15.12.2016 - 08:07

Klokkan var farin av fimm í morgun, tá løgtingsfólk og landsstýrisfólk sluppu til hús, tí ikki fyrr enn tá var tingfundurin liðugur. Helgi Abrahamsen, sum í løtuni er løgtingsmaður, er eisini blaðmaður á Norðlýsinum.

Hann skrivar har, at tingfundurin, sum byrjaði gjáramorgunin klokkan 10.00, endaði ikki fyrr enn klokkan var farin av fimm í morgun.

Orðaskiftið um fíggjarlógaruppskotið, tað var onnur viðgerð, vardi til klokkan tíggju minuttir yvir hálvgum trý.

Drúgv atkvøðugreiðsla

Men Jacob Vestergaard í Fólkaflokkinum bað um, at atkvøtt varð um hvørja einstaka kontu í fíggjarlógini, og tær eru nógvar. Atkvøðugreiðslan tók hálvan annan tíma. 

Helgi Abrahamsen skrivar í Norðlýsinum, at tingfundurin varð niðurlagdur í ein tíma eftir at orðaskiftið var endað, tí fyrisitingin í løgtinginum skuldi gera klárt til atkvøðugreiðsluna.

Øll broytingaruppskotini hjá samgonguflokkunum vórðu samtykt, og øll broytingaruppskotini hjá andstøðuni fullu, skrivar Norðlýsið. Fíggjarlógin skal hava eina viðgerð afturat. Hon verður á tingfundinum, sum byrjar í morgin klokkan 10.00.

Løgtingsformaðurin ætlar, at løgtingið fer í jólafrí í morgin.  

 

 

 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592