- Tíðindi, mentan og ítróttur
Føroyar nærkast HM-endaspæli
![](https://kvf.fo/sites/default/files/styles/grein-ovasta-mynd/public/foroyar_u21_1_0.jpg?itok=_qw9t6Y2)
Við tveimum sigrum eru Føroyar nú einsamallar á odda í HM-undankappingarbólkinum, sum verður avgreiddur í Føroyum.
Føroyar vunnu í kvøld 31-25 á Ísrael. Hálvleiksstøðan var 17-16 til Føroyar.
Toppskjútti hjá Føroyum bleiv Rói Berg Hansen við seks málum.
Úrslitið í hinum dystinum í dag ímillum Sveis og Finnland lagaði seg soleiðis, at Føroyar nú eru einsamallar á odda í bólkinum við fullum stigatali.
Sveis vann 28-26, eftir at hava verið á odda 13-11 í hálvleikinum.
Úrslitini hava við sær, at Føroyar eru nummar eitt bólkinum við fýra stigum. Sveis og Finnland hava tvey stig og Ísrael hevur null stig.
Eitt lið spælir seg víðari til HM-endaspælið. Ein javnleikur ella sigur ímóti Finnlandi í morgin hevur við sær, at Føroyar koma víðari.
Føroyar og Finnland spæla klokkan 17.00 í morgin. Sveis og Ísrael spæla klokkan 15.00. Báðir dystirnir eru í høllini á Hálsi í Havn.
mynd: jn.fo