Ikki longur á íslendska børsinum

Seinasti dagur, sum til bar at keypa ella selja partabræv í Banknordik í keypsskálanum í Reykjavík, var í gjár, mánadagin.

Íslendski keypsskálin hevur góðkent uppsøgnina hjá bankanum, sum ikki longur vil hava partabrøvini skrásett har.

Lítil handil var við partabrøvunum í BankNordik í Íslandi. Og harafturat hevur BankNordik selt tryggingarfelagið Vørð í Íslandi.

Partabrøvini í BankNordik verða tó framvegis handlað í keypsskálanum í Keypmannahavn.