Rakel í uppskoti fáa norðurlendska virðisløn

Rithøvundurin, Rakel Helmsdal, er í uppskoti at fáa Barna- og Ungdómsbókmentavirðisløn Norðurlandaráðsins við bókini "Hon, sum róði eftir ælaboganum".

Ungdóms-skaldsøgubókin, sum Bókadeild Føroya Lærarafelags gav út í 2014, hevur fyrr fingið viðurkenning.

Í fjør fekk hon virðisløn Útnorðurráðsins fyri barna- og ungdómsbóksmentir. Tann virðislønin var 60.000 krónur.

12 bøkur eru tilnevndar. Vinnarin verður kunngjørdur á ársfundinum hjá Norðurlandaráðnum, sum verður í Helsinki í heyst.