Betri er betri enn hinir peningastovnarnir

Betri banki er sterkasti banki í danska ríkinum.

Tað vísir ein nýggj greining av peningastovnunum í danska ríkinum, sum Bankresearch hevur gjørt.

Á fremsta plássi stendur Betri banki saman við Borberg Sparekasse.

45 pláss upp

Børsen skrivar, at Betri banki hevur flutt seg frá einum 45. plássi heilt fram á fyrstapláss frá 2015 til 2016, sambært roknskapunum hjá bankanum.

- Tað eru vit sera glað fyri. Vit hava lagt okkum eftir at skapa ein sunnan banka, síðani bankin varð endurreistur í 2011, sigur Súni Schwartz Jacobsen, stjóri í Betri banka við danska blaðið Børsen.

Bankresearch hevur samanborið styrkina í 64 peningastovnum, og á tí listanum er Betri banki á fyrstaplássi, Bank Nordik á 22. plássi, Norðoya Sparikassi er nummar 48 og Suðuroyar Sparikassi á 61. plássi av teimum 64 peningastovnunum í danska ríkinum..