Herleif Hammer nýggjur stjóri á Tjóðsavni Føroya

Herleif Hammer er 46 ára gamal og útbúgvin cand.phil. í søgu og siðsøgu frá Fróðskaparsetri Føroya og Århus Universiteti, umframt at hann hevur tikið leiðsluútbúgving “Ledelse i praksis”.

Í løtuni starvast hann sum rektari í Hoydølum og sum undirvísingarstjóri á Glasi.

Herleif Hammer hevur m.a. drúgvar leiðsluroyndir frá Føroya Studentaskúla og HF-skeiði (Glasir), har hann hevur starvast síðstu 15 árini, bæði sum umsitingarleiðari, vararektari og síðan 2013 sum rektari, skrivar Mentamálaráðið í tíðindaskrivi.