Skiparar nokta seg sekar

Skipararnir nokta seg sekar í at hava fiskað ólógliga. Brimil tók trolararnir vestur úr Mykinesi í gjáramorgunin, tí teir fiskaðu á eini stongdari leið.

Skipini fingu boð um at fylgja við til Havnar, og hagar komu tey beint eftir døgurða í gjár. Politiið hevur avhoyrt fólk umborð á trolarunum og metingarmenn hava gjørt veiðu og reiðskap upp.

Ákæruvaldið hevur fingið málið, og tá skipararnir nokta seg sekar, má málið avgerast í rættinum.

Vanligt hevur verið, at skipari og reiðarí hava játtað seg sekan, og fingið uppskot til bót, og ikki uttan at teir nokta at rinda bótina, er málið farið í rættin.

Nú nokta skipararnir seg sekar, og tí má málið avgreiðast í rættinum. Tað er ikki greitt, nær rættarfundurin verður.