Formaðurin ruddaði skránna

Eingin veit at siga í løtuni, um fiskivinnunýskipanaruppskotið og fleiri onnur mál verða viðgjørd í dag. Tá Løgtingsfundurin var settur, vóru tvær 3. viðgerðir, sum vóru fyrst á dagsskránni, avgreiddar í skundi.

Síðani boðaði Páll á Reynatúgvu, løgtingsformaður, frá, at restin av dagsskránni var avlýst og fundurin liðugur. Tað tók týðiliga tingfók á bóli. 

Nýggjan fund?

Fundurin var ikki niðurlagdur, sum vanligt er, og einki var sagt um nýggjan fund seinni í dag. Alíkavæl so vóru tingfólk verandi í salinum og prátaðu. Í skrivandi stund er ógreitt, hvat hendir við fiskivinnunýskipanaruppskotinum.

Tingformaður Páll á Reynatúgvu fór uttan at gera viðmerkingar úr tingsalinum og inn í tann partin av tinginum, har fjølmiðlar ikki hava atgongd. 

Dagført 10:43: Samgongufundur verður klokkan 10:45. Løgtingsfólk standa spyrjandi.