Hava avhoyrt bilføraran

Maðurin, sum koyrdi treylaran, sum fór oman av vegnum í Søldarfirði seinnapartin mikudagin, er nú avhoyrdur.

Óhappið hendi, tá treylarin, maðurin koyrdi, fór yvir í vinstru akbreyt, har ein annar stórur lastbilur kom koyrandi.

Treylarin, sum fór útav, bar við lastbilin og fór síðani oman av vegnum í ein garð, bara fimm metrar frá einum sethúsum.

Bingjan og vognurin vórðu tikin upp mikukvøldið.

Sjálvur bilurin varð tikin upp í gjárkvøldið. 

Tað arbeiðið vardi góðar tveir tímar.