Skógrøkt landsins fingið leiðara í føstum starvi

Michael K. Jacobæus er settur í starvið sum deildarleiðari hjá Skógrøkt landsins.
Michael K. Jacobæus er útbúgvin lendisarkitektur á Landbúnaðarháskúlanum í Keypmannahavn. 
Hann var ein teirra, sum á sinni stovnaði partafelagið Hjálpirót. 

Avloysari

Michael K. Jacobæus hevur seinasta árið røkt starvið sum leiðari á Skógrøktini sum avloysari. 
Fyri ta tíð var hann í 20 ár hjá Tórshavnar kommunu, fyrst sum býargartnari og seinastu tíggju árini sum lendisarkitektur á plandeildini. 
Tróndur Leivsson, sum nú er stjóri á Búnaðarstovuni, var deildarleiðari hjá Skógrøkt landsins.