Fløskurnar flyta yvir um vegin

Rúsan í Havn flytur um vikuskiftið, tó ikki langt, bara yvir um Hoyvíksvegin, úr Miðlon í hølini hjá Postverkinum á Óðinshædd.

Í morgin er opið í Miðlon sum vant leygardag, frá 10.00 til 16.00.

Mánadagin er stongt.

Men týsdagin kl. 10.00 letur Rúsan upp á Óðinshædd.

Fløskumóttøkan í Havn verður stongd í eina viku, frá mánadegnum 28. september til mánadagin 5. oktober.

Eisini hon flytur á Óðinshædd.

Nú vera skrivstovan, sølubúðin og goymslan hjá Rúsuni í Havn undir sama taki.

Partafelagið Postverk Føroya stovnaði í februar partafelagið Óðinshædd 2.

Endamálið hjá partafelagnum er at eiga fastogn, leiga út og annað virksemi í tí sambandi.

Rúsdrekkasølan leigar frá partafelagnum.