Spyr um seingjardagar á sjúkrahúsunum

Elsebeth Mercedis Gunnleygsdóttir í Fólkaflokkinum vil hava at vita frá Sirið Stenberg, landsstýriskvinnu í heilsumálum, hvussu nógvir seingjardagar eru á hvørjum av teimum trimum sjúkrahúsunum.

Hon hevur sett landsstýriskvinnuni ein grein 52-spurning.

Elsebeth Mercedis Gunnleygsdóttir spyr, hvussu nógvar innleggingar eru á teimum ymisku deildunum á sjúkrahúsunum um árið, hvussu stórt ambulanta virksemið er, og hvussu nógv koma á skaðastovuna á teimum trimum sjúkrahúsunum.

Hon spyr eisini, hvussu nógvar vitjanir, vaktlæknin hevði í gjør og fyrra hálvár í ár, og hvussu nógv ársverk eru á sjúkrahúsunum.

Elsebeth Mercedis Gunnleygsdóttir sigur, at ofta verður tosað um, hvussu nógv virksemi er á teimum trimum sjúkrahúsunum.

Endamálið við spurninginum er fáa meira ítøkiligt at vita, hvussu nógv virksemi er á hvørjum sjúkrahúsi sær, sigur hon.